miðvikudagur, nóvember 9

Vönduð eintök

Við hjónaleysin og væntanlegir uppalendur búum á uppalendum með:

Breskri dúkku sem talar. Þetta er gamalt módel með einfalda lúppu: Ohh, I´m so tired. I´m completely exhausted. I was workin last night and... Ohh, I´m so tired. I´m completely exhausted. og svo framvegis. Við reynum að toga sem minnst í þann spotta.

Fjögurra ára dreng sem talar eiginlega bara um Spiderman og horfir á myndina með Tobey Maguire tvisvar á virkum dögum og tólf sinnum yfir helgi. Við vorum að segja vinkonu okkar frá þessu um daginn og hún fór að hafa áhyggjur af spólunni, hún væri sennileg orðin slitin og gæðin ekki sem skildi. Þar hitti hún naglann á höfuðið. En drengurinn er fínn. Sá eini með viti af meðleigjendum okkar.

Mömmu drengsins. Leigusalinn okkar hefur staðið sig vel í að koma sér í aðstöðu sem hún þolir ekki, eignast barn sem hún þolir ekki með þunglyndum norðmanni sem þolir þau ekki og endurvakið sambúð sína með:

Manni sem er þannig innréttaður, þrátt fyrir þau 45 ár sem hann hefur haft til að hugsa sinn gang, að hann fer þrisvar á dag upp í herbergið sitt í fýlu. Við álpuðumst eitt kvöldið til að fara að leita að potti þegar hann var að elda. Hann sagðist ætla að bregða sér upp að skipta um föt en sást svo ekki meir. Steikin kólnaði og leigusalinn kvartaði. Ég riðaði. Skiljiði?

5 Comments:

Blogger jóNi said...

Þú getur þetta Pétur!
og ferð létt með það.

21:10  
Anonymous Nafnlaus said...

Herrrrrikalega er ég ánægð með þetta framtak kæri venur. Sakna ykkar og knúsaðu tótu fast frá mér og svo hún þig frá mér en ekki of fast samt til meiða litla júnittið sem þið föndruðuð.Innilega til hamingju með það, þetter índíslegt.ér err voða glaðurr með etta. Knús á Ljónið litla líka, ykkar vinur kisumeistarinn 107 Reykjavík.

21:10  
Blogger jóNi said...

Dúddi litli svín,
hvar heldurðu þig?

15:54  
Anonymous Nafnlaus said...

jájá - til hammó og allt það - jíbbú -voða gaman.. (ég veit ekki hvort eða af hverju ég er kaldhæðin ???) - en það eru nokkar myndir frá því í sumar komnar á þetta alþýðunet: photo.yahoo.com/msolafia

00:13  
Anonymous Nafnlaus said...

Jæja. Ég sakna ykkar. En þú vissir þetta örugglega. Ég elska ykkur. Þú vissir það líka. Ætli við höfum þá nokkuð að tala um.

Berglind.

14:12  

Skrifa ummæli

<< Home